ШЫҰ энергетикалық ведомстволарының басшылары Астанада ынтымақтастықты дамыту жоспарларын талқылады

Жиналысқа ШЫҰ энергетика саласындағы басшылары қатысты

2023 жылғы 3-4 қазанда Қазақстанның астанасында Қазақстан Республикасының төрағалығымен KAZENERGY Еуразиялық форумының Kazakhstan Energy Week-2023 / XV шеңберінде Шанхай Ынтымақтастық Ұйымына (ШЫҰ) қатысушы елдердің энергетикалық форумы өтті.

Форумға ШЫҰ-ға мүше мемлекеттер, бақылаушылар және ШЫҰ диалог бойынша серіктестер қатысты, оның ішінде: Қазақстан Республикасының энергетика министрі Алмасадам СӘТҚАЛИЕВ, ШЫҰ Бас хатшысының орынбасары Сохаил ХАН, Өзбекстан Республикасы энергетика министрінің бірінші орынбасары Азим АХМЕДХОДЖАЕВ, Ресей Федерациясының энергетика министрі Николай ШУЛЬГИНОВ, Мьянма Одағы Республикасының энергетика министрі У Ко КО ЛВИН, Беларусь Республикасы Энергетика министрінің орынбасары Ольга ПРУДНИКОВА, Тәжікстан Республикасы энергетика және су ресурстары министрінің орынбасары Сорбони ХОЛМУХАМАДЗОДА, сондай-ақ Пәкістан Ислам Республикасы энергетика министрлігінің өкілі Салман КАЮМ ХАН.

Форумда өз сөзінде Алмасадам Сәтқалиев президент Қасым-Жомарт ТОҚАЕВТЫҢ бастамасымен «Шанхай Ынтымақтастық Ұйымына мүше мемлекеттердің энергетикалық ынтымақтастығын дамытудың 2030 жылға дейінгі Стратегиясы» әзірленгенін еске салды. Құжатпен ШЫҰ күн тәртібін орта мерзімді перспективада энергетика саласындағы өзара іс-қимыл үшін неғұрлым перспективті бағыттар бойынша кеңейту жоспарлануда, бұл қазіргі заманғы шындықтарды ескеруге мүмкіндік береді. Бұдан басқа, энергетикалық ведомстволардың басшылары энергетикалық ынтымақтастықты дамытудың стратегиялық тәсілдерін, мүше мемлекеттердің, байқаушы мемлекеттердің және ШЫҰ диалогы бойынша әріптес елдердің энергетикалық секторының тұрақтылығы мен дамуын қамтамасыз етуге бағытталған жаңа тәсілдерді дамытуға жәрдемдесуді және нақты шешімдерді әзірлеуді талқылады.

Сондай-ақ, Алмасадам Сәтқалиев KAZENERGY Еуразиялық форумының Kazakhstan Energy Week-2023 / XV шеңберінде «Мүмкіндіктер энергетикасы: белгісіздіктен тұрақтылыққа» Пленарлық отырысына қатысты.

АҢЫҚТАМА:

ШЫҰ - бұл әлем халқының шамамен 45% - қамтитын қарқынды дамып келе жатқан халықаралық ұйым. Бұл әлемдегі ең ірі тұтынушылар мен энергия ресурстарын өндірушілерін біріктіре отырып, Халықаралық энергетикалық диалогты дамытуда маңызды мәнге ие. ШЫҰ-ға мүше мемлекеттер жалпы алғанда әлемдік мұнай қорларының шамамен 25%, газ қорларының 50%-дан астамын, көмірдің 35% және уранның белгілі әлемдік қорларының жартысына жуығын иеленеді.