Құрылыс кодексі жобасының аясында цифрлық сертификаттау енгізілмек

Новости / 15 фев 2024 24

ҚР Президенті Қасым-Жомарт Тоқаевтың Үкіметтің 7 ақпандағы кеңейтілген отырысында берген тапсырмасын орындау мақсатында ҚР Өнеркәсіп және құрылыс министрлігі Құрылыс кодексінің жобасымен белсенді жұмыс жүргізуде. Құрылыс кодексінің жобасында цифрландыру мәселелеріне ерекше көңіл бөлінген, яғни цифрлық шешімдер жобалау алдындағы дайындықтан бастап оны пайдалануға дейінгі құрылыстағы қызметтің барлық дерлік салаларын қамтиды, деп хабарлайды ведомствоның баспасөз қызметі.

Құрылыс кодексінің жобасында ұсынылған жаңалықтардың бірі – E-Qurylys ақпараттық жүйесінің алаңында тестілеу рәсімін өткізу – құрылыс саласының мамандарын сертификаттау және тізілімді автоматты түрде жүргізу.

Инженерлік-құрылыс қызметінің білім базасына сарапшылар мен инженерлік-техникалық қызметкерлерді тексерудің қолданыстағы жүйесі аттестаттаудан өткен сарапшылардың біліктілік дәрежесін жеткілікті тиімді көрсетпейді. Сондықтан, халықаралық тәжірибені зерделеу шеңберінде ұлттық заңнаманың ерекшеліктерін ескере отырып, Еуроодақтың табысты практикасына ұқсас құрылыс саласының инженерлерін сертификаттауды енгізу жоспарлануда. Егер бұрын аттестаттау «инженерлік-техникалық қызметкерлерді аттестаттау орталығында» жеке нысанда өрескел бұзушылықтар, аттестаттарды «сатып алу» фактілерімен өткен болса, ұсынылған редакцияда цифрлық сертификаттау адами факторды жоюды көздейді.(Дерекөз:ortcom)

Сондай-ақ, цифрландыру жөніндегі жұмыстар шеңберінде жобалау жөніндегі жұмыстардың сапа деңгейін арттыруды қамтамасыз етуге тиіс құрылыс объектілерін ақпараттық модельдеу (BIM-технология) міндеті заңнамалық түрде бекітіледі.