Қазақстанның Энергетика министрлігі мен Huawei цифрлық энергетика жобаларын іске асырудағы ынтымақтастық туралы келісті


Новости / 06 дек 2023 3

Қазақстан Республикасының Энергетика министрлігі мен Huawei Technologies Kazakhstan компаниясы цифрлық энергетика саласындағы ынтымақтастықты дамытуға бағытталған өзара түсіністік туралы меморандумға қол қойды.

Астанада ҚР Энергетика вице-министрі Бақытжан Ілияс пен CEO Huawei Technologies Kazakhstan Чжао Сюй қол қойды. Қол қойылған меморандум цифрлық энергетика саласындағы бірлескен инновациялық жобаларды іске асыруға, Қазақстан Республикасының Біртұтас энергожүйесінің ғылыми-техникалық және өндірістік әлеуетін нығайтуға бағытталған ынтымақтастықты көздейді.

Huawei-мен ынтымақтастық сонымен қатар адами капитал деңгейін дамытуға, саладағы кадрлардың кәсіби деңгейін, жоғары оқу орындарының ғылыми әлеуетін, цифрлық энергетика саласындағы білімді арттыруға және азаматтардың цифрлық дағдыларын игеруге бағытталған бірлескен ғылыми-зерттеу және білім беру жобаларын іске асыруға ықпал ететін болады.

Бұдан басқа Меморандум реттеуші актілерді жетілдіру және халықаралық сараптама мен цифрлық энергетика саласындағы үздік тәжірибе негізінде энергожүйені басқару саласындағы халықаралық стандарттарды үйлестіру үшін алғышарттар жасайды. Осылайша, құжат озық цифрлық шешімдердің көмегімен Қазақстанның энергетикалық секторының ландшафтын сапалы өзгерту үшін негіз қалайды. Технологиялар мен инновациялар саласындағы әлемдік көшбасшы – Huawei компаниясы озық шешімдерді, «жасыл» энергетиканы дамыту мен қолдауда бұрын-соңды болмаған тәжірибені ұсынуға дайын.

Дереккөз: ҚР Энергетика Министрлігі

Последние новости

Контакты

Главный редактор: Мадина Жатканбаева

Тел: +7 777 471 71 40

e-mail: xaqmedia.kz@mail.ru

Свидетельство о постановке на учет периодического печатного издания, информационного агентства и сетевого издания №KZ74VPY00062329 выдано 30.12.2022

© xaqmedia.kz | Все права защищены.