Биылғы жылдың басынан бері мемлекеттік еңбек инспекторлары 43,6 мыңнан астам жұмысшының құқығын қорғады
2024 жылдың 1 қазанына сәйкес, мемлекеттік еңбек инспекторлары еліміздегі 260 кәсіпорынның 17 мың жұмысшыға 3,8 млрд теңге жалақы қарыз екенін анықтады. Сонымен қатар, түрлі ұйымдарда жүргізілген тексерулер нәтижесінде шамамен 6,9 мың еңбек құқығының бұзылуы тіркелген, деп хабарлайды ҚР Еңбек және халықты әлеуметтік қорғау министрлігі.
Жалақы бойынша қарызы бар кәсіпорындардың басшыларына 222 орындауға міндетті ұйғарым беріліп, 34,6 млн теңгеден астам сомаға айыппұл салынды.
Қабылданған шаралар, соның ішінде жалақы қарыздарын өтеу үшін қатаң кесте мен мерзімдерді белгілеу нәтижесінде 15,6 мыңнан астам жұмыскердің құқықтары қорғалып, оларға 3 млрд теңге төленді.
Сонымен қатар, еңбек заңнамасының сақталуына мемлекеттік бақылауды қамтамасыз ету мәселелері ҚР Еңбек және халықты әлеуметтік қорғау министрлігінің ерекше назарында.
2024 жылғы 1 қазандағы деректер бойынша мемлекеттік еңбек инспекторлары 4 338 тексеру жүргізіп, 6 935 бұзушылық анықтады. Оның ішінде: еңбек саласында – 5 119; еңбек қауіпсіздігі және еңбекті қорғау бойынша – 1 750; халықты жұмыспен қамту бойынша – 66. Жұмыс берушілерге 2 604 ұйғарым беріліп, 331,2 млн теңге сомасына 3 134 әкімшілік айыппұл салынды. Қабылданған шаралар нәтижесінде 28 мың жұмыскердің еңбек құқықтары қорғалды.
XAQ